Gidugok sa mga katawhan sa Zambonga del norte ang gihimong First Regional PHederalism Summit niadtong adlang Sabado didto sa lungsod Katipunan ning atong probinsya sa Zamboanga del norte.
Gitambongan kini sa mga mayor uban sa ilang mga kawani gikan sa nagkadaiyang lungsod dinhi sa Zamboanga del norte.
Anaa usab ang mga pribadong indibidwal ug mga myembro sa Pantawid Pamilyang Pilipino Program (4P’s). Kini aron ipaabot ngadto sa mga tagsa-tagsa ka mga katawhan ang mahitungod sa kaayuhan sa pederalismo nga pang gobyerno.
Ana sab si Malacañang Spokesperson Harry Roque, Department of Agrian Reform (DAR) Sec. John Castriciones, DAR Usec. Emily Padilla, DSWD Usec. Virginia Orogo, kini sila nga mipasabot sa katawahan mga mitambong sa maong panagtigom may kalabot sa maayong epekto kung mag Federalism Goverment ang nasud sa pilipinas.
Matod pa nila nga kini ang tubag sa kalisod ug rebelyon dinhi sa atong nasud sa Pilipinas ug ilang giawhag ang katawhan nga suportahan ang gipaabante ni pangulong Duterte nga pang gobyerno kay para usab kini a kaayohan sa tanan.
Samtang Kini ang unang higayon nga nag host sa pinaka dako nga kalihukan ang lungsod sa Katipunan sa pagpanguna ni Mayor Pachito Eguia.
Matod pa niya nga niadtong petsa 26 palang siya napahibalo nga siya ang mo host sa maong Summit, gani giingnan siya ni Dr. Asis Chairman sa MRRD movement nga moaabot sa 7 ngadto 8 kalibo nga mga katawhan tungod kay regional kini nga kalihukan.
Gani nabalaka siya kung unsay ipakaon niya, hinungdan nga wala siya nakatulog ug halos tulo ka gabie sa sige ug huna-huna kung pila kabuok iyang bisita*.*
