Davao City – Gitigbas sa makadaghang higayon ang usa ka tigbaligya’g isda hinungdan sa iyang kamatayon.
Sa report nga nakuha sa DXDC RMN Davao sa Marilog PNP, nahitabo ang insidente kagahapon (August 18, 2020) alas 2:30 sa hapon sa Sitio Mundo Hill, Pinalatan, Brgy. Marilog, Marilog District ning syudad diin giila ang biktima nga si Isagani Viva Auza, 30 anyos, taga Sitio Lumundao, Brgy. Marilog, Davao City.
Sumala sa asawa nga si Elma Auza, nagsakay sila sa iyang bana sa motor sa dihang nakasugat nila ang usa ka Edgardo Alleluia, 55 anyos, residente sa sangpit nga incident area ug gitigbas ang biktima.
Nakadagan ang biktima ug ang asawa apan gigukod sa suspek ug naabtan, didto gitigbas sa makadaghang higayon si Isagani resulta sa iyang kamatayon.
Dali midagan ang asawa tungod sa kahadlok ug mireport sa kapulisan.
Dugang sa report, gisunog pa sa suspek ang motor niini.
Naglusad na karon og hot pursuit operation ang Marilog PNP aron masuta ang motibo sa krimen.
RadyoMaN Renz Barbarona
