Fish vendor, sikop sa buy-bust

30

General Santos City—sikop sa operatiba sa Police Station 2 ang vendor ug isda atol sa gihimong buy-bust operation sa may Litan Vill. Barangay Sinawal Gensan.

Giila ang suspetsado nga giilang si Kim Nobles, 31 anyos, residenti sa Barangay Cannery, Polomolok, South Cotabato. Alas 8:00 ang takna sa gabie, Byernes, dihang gihimo ang operasyon batok sa suspek sa gipuy-an niini sa may Litan Vill, human kining napalitan ug (1) ka sachet sa gituohang shabu gamit ang marked money nga P300.00.

Wala na nakaporma ang suspek human nga gidakop tungod sa ebidensyang nakuha ngadto sa nahisgutan.

Nasayran nga wala sa watch list sa Police Station 2 ang suspek apan una nang nanggawas ang pangalan niini sa mga asset sa PNP nga lambigit kini sa illegal drug activity. Tungod niini naghimo dayon ug monitoring ang kapulisan ug dihang nakumperma, gihimo dayon ang operasyon.

Sa kasamtangan, ginaandam na ang kasong paglapas sa R.A 9165 batok sa nahisgutang suspetsado.

Facebook Comments