Straight to The Point ni Radyo Man Jhun Estanio:STL gipa-undang ni Mayor Rivera? kinsa nga opisyal ang gi-ingong nakasapi ug 280-mil matag semana?

18

Mimando na si Mayor Ronnel Rivera nga undangon una ang operasyon sa Small Town Lottery STL sa General Santos City. Sa suwat sa Mayor ngadto sa PCSO General Manager Mr. Alexander F.Balutan pinaagi ni PCSO South Cotabato Branch Manager Misael A.Hamak pinetsahan September 12,2017 gi-required ni Mayor Rivera ang nahisgutang opisyal nga sa labing madaling panahon ipahunong ang operation sa STL hangtud nga makakuha kini ug concurrence sa City Government pinaagi sa Sanggunian Panglungsod.

Karon pa naka huna-huna si Mayor Rivera nga ipa-undang human nag file ug kaso si City Councilor Jeng Gacal kay Col.Romeo Ruel Berango, pwede man diay nga ipa undang ang STL prior ang concurrence gipadugay-dugay pa nga nisampot na nuon sa kinasuhay..itum pa sa ata sa nukos!Naa nay aplikasyon ang PCSO alang sa STL operation na nadawat sa office of the City Mayor ug dayong giduso sa SP pero wala nahisgutan sa Session niadtong milabayng Martes tungod kay walay nag sponsor ug resolution aron masalang sa deliberasyon sa konseho. Sumala pa sa Mayor, nga wala nahatagan ug pagtagad tungod sa akbitidad sa Tuna Festival.Nanghinaot ang alkalde nga matagaan og prayoridad sa Sanggunian ang may kalabutan sa paghatag og concurrence alang sa operasyon sa STL karong umaabot nga Martes, atol sa regular session sa SP. Dugang pa niini nga iyaha ng naistorya si Vice Mayor Shirlyn Banas- Nograles nga tagaan og prayoridad nga mahisgutan sa session ang maong pagtugot.Mihatag usab og reaksyon si Mayor Rivera kalabot sa dili maayong pagtinagdanay nilang ni Gensan City Councilor Atty. Franklin Gacal og OIC City Director Senior Supt. Romeo Ruel Berango kon diin nahagbong sa pagpasaka og kaso ni Gacal batok Berango ngadto sa Ombudsman.

Gawas sa isyo sa legalidad sa STL operation, gibulgar usab ni City Councilor Atty. Jeng Gacal nga nakadawat siya ug impormasyon nga adunay SLT nga front lang sa mga iligalista aron nga gawasnon nga maka operate sa iligal nga sugal partikular ang last two.Tungod niini gikasakit sa buot ni kag. Gacal tungod kay gihimo sa mga nasangpit nga legal ang iligal nga gina buhat ug nganong si SSupt berango, apan walay nabuhat kalabutan niini. Samtang mapamatud an matud pa ni kag. Gacal nga maka pila na nga higayun nag patawag ug panag pulong si Grace Mercado ang manager sa Trento Gaming, ngadto sa mga iligal operator nga pwede silang mag operate, ilalum sa pangalan sa STL basta kay muhatag lang sila ug porsyento sa ilahang kita. Gibutyag usab ni Konsehal Gacal nga may opisyal sa syudad nga nag dawatan ug 280-mil ka pesos kada semana gikan sa Trento Gaming Corporation aron dili mabulabog ang iligal nga operasyon sa General Santos City.

Samantala may duha daw ka klase ang STL Outlet sa syudad kini ang gikatakdang paimbistigahan sa General Santos City Police Office ang gika-ingon nga duha ka klase sa Small Town Lottery (STL) nga naga operate sa syudad hain usa niini legal gumikan iyaha sa PCSO samtang usa niini ang illegal tungod iyaha sa m ga Last two operator. Segun ni Police Sr. Sup. Romeo Ruel Berango, nga ilahang imbistigahan ang maong impormasyon tungod kay bag-ohay panila masayran nga duna diay duha ka matang sa STL nga ga operate sa syudad.Sa kasamtangan ila pang ginahuwat nga maresulba sa local nga pang gamhanan sa syudad ug PCSO ang problema bahin sa operasyon sa STL kansa pabiling kontrobersyal sa kasamtangan.

Palusot nasad si Col.Berango, murag dili ni sugarol tawhana,wala makahibalo o nagpaka walay kahibalo? Imposibli nga grabi na ang kagubot tungod sa STL tapos wala nimo pa imbestigahi? Sa sinugdanan palang nga gibaharan kana ni Konsehal Gacal nga kasuhan ka, wala diay kay gihimong lakang aron ma klaro kon unsay kalakaran sa STL? Unsaon nimo pagkahibalo nga legal o iligal ang STL sa GenSan kon wala nimo pa imbestigahi? Wala nimo gipa-imbestiga ang STL kon legal o iligal tungod kay wala ka kahibalo nga duha ka klase ang operasyon? Naka hibalo man gani ang civilian, ang Police naman hinoon ang walay hanaw nga pagka daghan sa Police nga gataya sa Outlet ma-swertres man o last-two.

Murag ilad sa atubangan kon in-ani ang sestima sa PCSO na magpakita ug mga dokumento ang PCSO nga dili insakto, matud pa ni Kapitan Acharon murag nagsalig ang STL operator nga ilawum sila sa PCSO mao ng taas noo nga nagpaturagas nalang ug pagbutang ug STL outlet bisan asa nga lugar sa GenSan. You know ka radyoman dili ni mogara ang Trento kon walay gisaligan, naa gyud ni kumsabo nga dakong opisyal kon dili sa LGU o kaha sa PNP basin tinuod ning gi-ingon nga 280-Thousand weekly kinsay nakadawat ani powerful ni nga opisyal kay dili mohatag sa in-ani kadako nga kwarta ang financier sugarol gud kong dili gamhanan ug maka bulabog sa ilang operasyon kining ilang ginghatagan ug milyones nga kwarta matag bulan kon walay gahum nga maka protect sa ilang illegal activities.Ang mga Purok Chairpersons sa kabarangayan sa syudad dakong uyon sa lakang ni Mayor Ronnel Rivera nga pasirad-an ang mga pasugalan sa Gensan labina ang mga STL Outlet labina nga may mga bata nga nagsugal, nagtuo usab ang mga Purok Opisyal nga dako ang posibilidad nga may protection money nga gidawat sa otoridad sama sa Police sa pamahayag niini sa RMN GenSan.
Dili ninyo mabasol ang publiko mga sir, Col.Berango nga magduda sa inyo kay halata man gud kaayo, maski bata nasayod nakabalo sa sugal nga STL, liba-on paman nimo ang mga katawhan nga wala kang alam? Alams nay an my goodness ,kakatag ang STL Outlet sa matag kanto, kon ang shabu nga sachet nabal-an ninyo nga pwede lang ipansak sa lubot makita pa,kini pang STL Outlet nga color coding pa? Saka sugarol ka Col.Berango,dali ka lang maka gets basta gambling kay gamblers ka? Uwata tits, ilara ang lolo mong panot plantada kaayo ng STL Outlet diha? Naa pay pamahagag si Col.Berango nga sila daw nga police tigpatuman lang sa balaud ang konseho mao ang tigpanday ug tig-interpretar sa balaud dawbi kay gimandu-an na siya sa City Council nga dakpa ng STL Outlet kay iligal na kay walay concurrence kon basihan ang RA 9649 The Charter Law sa GenSan,wala gihapon sila manakop. Kagahapon nakita naku ang STL diri sa Bulaong ug duol sa Barangay hall sa Barangay North sa may Car wash hapon nalang galinya ang manaya-ay unya ang palusot ni Col.Berango, wala padaw sila makadawat ug mando sa Mayor? Owss kaduol ra sa City Hall ug Camp.Lira mabaklay raman gani? Ang klaro diha murag kontra si Col.Berango nga ma-undang ang operasyon sa STL? Basin ba Col.Berango dili kaha karon lubog pa ang tubig kon kinsa ang nakadawat aning 280-thousand ,basin pagtin-aw sa tubig ang imong nawong maoy makita? Basin nasayud ka Col.Berango kon kinsa kining opisyal sa GenSan nga nag dawat aning 280-thousand weekly pangutana lang ning ako colonel? Ngano man nga gipa- sagdan man nimo ning STL nga maka operate sa pipila ka bulan nga iligal, sa mando lang ni Mayor Rivera sa iyang sulat sa PCSO klaro na ang SOP sa pagsulod sa any form of gambling sa syudad segun sa RA 9649 nagkinahanglan ug Concurrence?
Sa prangka lang nga pagka storya lakip si Mayor Rivera ang mabasul aning illegal STL Operation, Liable si Mayor ug si Col.Berango sa EO NO. 226, Section. 1.Neglect of Duty Under the Doctrine of “Command Responsibility” Any government official or supervisor,officer of the Philippine National Police or that of any other law enforcement agency shall be held accountable , nganong karon lang si Mayor nagmando sa aning Cease and Desist Order sa STL operation? Asa man ang iyang maayong laki nga City Legal Officer si Atty.Arman Clarin ,Administrator Atty.Arnel Zapatos mga abogado maning iyang mga bata-bata wala gyud maka tambag sa legalidad? Naku dili kaha nga ana-a sa LGU ang nagdawat aning 280K weekly? Dili kaha lakip sila sa bahin sa matag semana? Posibli kaha nga si Mayor Rivera? Posibli kaha nga si Atty.Clarin? Dili kaha si Atty.Zapatos? Dili kaha si Col. Berango? Dili kaha si General Cedrick Train? Kini raman ang posibling mga tawo nga powerful sa atong syudad nga makabulabog sa illegal gambling sure ko si Konsehal Gacal wala ni makadawat kay sabaan man? Kinsa kaha ang linta nga opisyal nga mibaligya sa iyang kalag ni Satanas, nagluib sa katawhan,malu-ibon sa iyang gipanumpaan nga serbisyohan ang katawhan nga makadiyos,makabayan,makakalikasan, makatao, kong ang opisyal modawat ug suborno gikan sa dautang mga tawo nan dayag nga malu-ibon,bakakon,traidor kurakot buaya nga opisyal nga angayang isugba sa imperno nga midawat aning 280-thousand weekly 1-million 120-thousand monthly? Mo buto rani kay walay aso nga makumkom…..Itum pamo sa ata sa nukos mga tibaghak mong dagko!

Facebook Comments