Nakakuha ug atensyon sa mga netizens sa social media ang mga hulagway diin makita ang usa ka Philippine Flag nga naka bitay taliwala sa daghanan nga mga basura.
Ang maong bandila naka hikot kini sa duha ka nagtapad nga tent, ug anaa sa palibot niini ang nagklase kalaseng basura.
Ang maong hulgaway ang gipaabot sa RMN DXBC Butuan sa usa ka residente.
Ang nagtipun-og nga basura’ng wala ma-segregate makita sa barangay Tandang Sora ning dakbayan sa Butuan.
Kupas na ang mao’ng bandila, diin gitumbok sa mga residenti sa barangay nga gituyu kini ug sab-it ni Kagawad Higinio Castañares kauban ang mga tanod.
Sa interview ngadto sa kagawad, gipahayag niini nga ang maong bandila nakita ra usab sa mga basurero ug hayan gilabay kini ug naapil sa gatapok nga mga basura.
Ubay ubay ang mga mibatukis niini sa social media, ug daw sa walay pagtahod sa bandila sa Pilipinas ang mga opisyales sa baranga Tandang Sora.
Usa sa mipadangat sa ilang pagkadismaya an usa ka sakop sa Iglesia Filipina Indiependente IFI.
Sa pikas bahin, Dugay nang wala gituman ang paglain sa basura sa brgy. Tandang Sora mao’ng iya-iya nalang ug labay niini ang mga residenti luyu sa estriktong pagpatuman sa waste segregation nga ordinansa dinhi sa dakbayan sa Butuan, diin kinahanglan ila-in ang basura nga malata ug dili malata ug dili kolektahon sa mga garbage collectors kung wala ma-segregate, apan hangtud karon wala natuman sa pipila ka mga barangay ning syudad lakip ang brgy. Tandang Sora.
