Dipolog City – Damage ang dos andanas nga balay human nasunog, bandang alas 4:00 karong hapon didto kilid sa may national highway, Prk. Tipo, Bgry. Sicayab, ning dakbayan sa Dipolog.
Sa interview sa rmn dxdr news team ngadto sa tag-iya nga si Felix Recamara Diones Jr. 44 anyos, usa ka contruction worker, nibutyag nga faulty electrical wiring ang sinugdanan sa kalayo human nasuta dunay nikidlap sa may junction box sa linya sa kurente sulod sa iyang balay ug natagak ang kalayo didto tugpa sa foam sa may katre.
Giingon pa niini atol sa hitabo didto siya sa balay sa ilang silingan dihang nisilaob ang kalayo kondiin ang nahabilin niadtong higayuna mao ang iyang duha ka mga anak polos lalaki may edad 4 ug 5 anyos.
Mao nalang iyang nadungan ang singit sa mga silingan nga nasunog iyang balay hinungdan nidali kinig uli, hinuon iyang naabtan ang duha niya ka mga anak nga diha na sa gawas nga bahin.
Swerting natabang ra ug sablig sa tubig ang iyang balay nga gama lang sa light materials, kauban niya ang iyang mga silingan ingon man mga nagpakabang motorista naagi sa dapit.
Ang tag-iya nakahiagom kinig paso sa iyang palad human iyang gibira pagawas ang nagdila-ab nga foam.
Ang nirespondeng mga fireman dala ang duha ka fire truck sa BFP Dipolog igo nalang nagsubay sa hitabo ug nibutyag nga more or less 10 mil ka pesos ang nahimong damyos.
