General Santos City–Gihan-ay na karon sa pamunuan sa Sto. Niño Parish Church sa Barangay Bula ang pagahimuon nga Fluvial Procession sa umaabot nga Enero 15 dungan sa selebrasyon ni Senior Sto. Niño.
Gipangunahan sa iladong negosyante nga si Marfin Tan ang unang meeting alang sa himuong nga prosesyon.
Sumala pa ni Marfin Tan nga ilahang gilauman nga anaa sa 200 ngadto sa 300 ka mga panagatan madagku man o magagmay ang musalmot sa maong fluvial procession.
Karong tuiga, gamay ra ang posibling musalmot niini tuingod ubang mananagat anaa na nanagat sa layo nga dapit hinungdan nga alanganin na nga mobalik dili matud pa sama kaniadto nga sa duol lang naga panagat ang mga lantsa.
Samtang gibutyag ni Marfin Tan nga dili lang ang mga taga Bula nga adunay negosyo nga panagatan ang pwedeng muapil sa sa maong prosesyon sanglit abli kini sa tanan, samtang tanan adunay kahigayonan nga mahimong official carrier sa Sr. Sto Ni¬¬¬ño gumikan matag tuig may ginapahigayon ng bunot-bunot alang sa panagatan nga maoy kargahan kang sa Sto. Niño sa parada.
Dugang pa niini nga mas aligre ang kapistahan karon sa brgy. Bula lakip na ang preparasyon sa umaabot nga fluvial procession nga paga sugdan alas 7:00 sa buntag ug gibana-banaang makabalik sa sto niño parish mga alas 9:30 sa buntag.(Dave Silagan)
