FM Pass sa Davao posibleng ibalik

24

Davao City – Dako ang posibilidad nga ibalik ang paggamit sa Food and Medicine (FM) Pass sa syudad sa Davao.

Matud ni Davao City Mayor Sara Duterte-Carpio (sa interbyu sa city-owned radio), nga kini nga desisyon kinahanglang tukion sa Davao City COVID-19 Task Force diin nasayrang adunay bag-ong FM Pass nga gipang-apod-apod sa Davaoeños.


“Kana siya is posible. Dako na siya nga possibility which can be discussed sa level sa Davao COVID-19 Task Force. Ready na man ang atoang mga FM Pass system because bag-o na man ‘to siya. Dugay na sila nagsulti nga they are ready and they already distributed all their materials,” segun sa alkalde.

Ang maong pamahayag nagsumikad human sa padayong pagtaas sa Coronavirus Disease 2019 (COVID-19) cases sa syudad sa Davao diin kinahanglan nga makontrola ang lihok sa tawo sama sa pagpatuman niini kaniadto.

Adunay mga niuyon nga netizens apan aduna usay mga wala mipabor sa subling pagbalik sa maong sistema o protocol.

RadyoMaN Kirby Manzon



Facebook Comments