FM Pass scenario: Katawhan mudagsa sa barangay

75

Davao City — Gilauman ni Brgy. Toril Kapitan Lilibeth Al-ag ang pagdagsa sa mga residente sa maong barangay karong adlawa gumikan sagad kini nawad-an og Food and Medicine Pass.

Kini subay sa pag-implementar sa E.O. 62 kon subling paggamit sa FM Pass panahon nga mugawas sa panimalay.


Pagpasabot ni Al-ag nga nagpaabot pa sab sila sa mando ni Mayor Sara Duterte-Carpio sanglit naggikan ang FM Pass sa LGU ug gitahasan lamang ang barangay nga magdistributar niini.

“Katong mga tao nga nawalaan og FM Pass magpablotter usa sa police station before sila maka request og bag-ong FM Pass,” tataw sa kapitana sa Toril.

Sugyot ni Al-ag nga angayang pahugtan pa ang inspeksyon sa mga checkpoints sa Davao City alang sa pagsuta kung duna ba’y dala nga FM Pass ang usa ka indibidwal.

Awhag sa Kapitan sa ika-tulo’ng distrito sa Davao ngadto sa publiko nga batasanon ang disiplina sa sarili ilabi na sa pagtamod sa mga palisiya sa health protocol tumong nga mawagtang ang gisagubang nato’ng pandemya.




“Akong hangyo (sa tanan), self-discipline lang gyud – diha gyud magsugod sa atong mga kaugalingon nganpara malikayan ang pagkuyanap niining COVID-19 kay dili ni siya mahuman kung ang mga tao dili mu-cooperate,” segun niini.

Samtang uyon si Al-ag sa panawagan sa mga doktor sa subling pagbalik sa Enhanced Community Quarantine (ECQ) gumikan sa padayong pagsaka sa COVID-19 sa syudad diin kumpyansa na ang kasagaran sa publiko.

RadyoMaN Jason Amisola

Facebook Comments