Reservist nadakpan sa drug bust operation, 10 gramos nga shabu nakumpiska

37

Pagadian City- Gipaslak gilayon sa Philippine Drug Enforcement Agency (PDEA) Lock up cell ang usa reservist human kining nadakpan sa gipahigayon nga drug buy bust operation Purok Hillside Nazareth, Barangay Buenavista, Pagadian City alas 8:15 sa gabii.
Nag-ipon og pwersa ang tropa sa Provincial Intelligence Unit sa Zamboanga del Sur Police Provincial Office uban ang Provincial Mobile Force Company lakip ang pwersa sa 902nd Regional Mobile Force Battalion pinaagi sa koordinasyon sa Pagadian City Police Station ug elemento sa PDEA.
Nadakpan ang target sa operasyon nga si Ronielito Accompaniado Tadle (High Value Individual), 48-anyos myembro sa 9th Regional Community Defense Group, Army Reserve Command ug residente sa Purok Kawayan, Buenavista ning syudad sa Pagadian.
Nakuha sa posisyon sa suspek ang lima pakite sa gitouhang shabu nga motimbang 10 gramos ug 500 pesos nga buy bust money. Kasong paglapas sa akta republika 9165 kon Comprehensive Dangerous Drugs Act of 2002 ang giatubang karon nga reklamo sa dinakpan.

Facebook Comments