Sa interview sa RMN ngadto kang NTC 10 Regional Director Engr. Ted Buenavista, gibutyag ninii nga kaniadtong Nobyembre 9 niaging tuig, ilang gi-inspect ang mao nga radio station ug ilang nasayran nga nag-apply pa lang kini para sa Provisional Authority.
Matud ni Director Buenavista nga dili pa unta gayod dapat maka-operate ang mao nga radio station tungod sa kakulangon sa dokumento gikan sa ilang buhatan.
Sigun niya nga ang usa ka radio station kinahanglan ug dili lang Provisional Authority kon dili apil na ang radion station license.
Mahinumduman nga na-isyuhan na og ceast and desist order ang mao nga radio station ug nibalik og tingog nga adunay bag-ong ngalan.
Mahinumduman nga nag-trending karon sa social media ang komusyon tali sa kampo ni Mayor Melino Buro ug mga emplyado sa usa ka FM radio station sa Damulog,Bukidnon.
Gibutyag ni Damulog Police Station commander Lt. Anthony Ofima nga midangop ang grupo ni Buro sa ilang buhatan dala ang memorandum order nga pagpasira sa BIG FM tungod sa kakulangon sa papeles aron maka-operate sa kahanginan.
Miingon si Ofima nga human sa kumusyon parehong nagpatala ang duha ka kampo sa ilang buhatan.
Makita sa video nga nanumbag ang usa sa mga body guards ni Buro sa empleyado ug gimando pa niini ang pagpa-posas sa ubang personahe sa maong FM station nga kritiko sa iyang liderato.
Apan sa katarungan sa mayor nga angayang mahunong una ang pagsibya sa maong estasyon samtang sundon una ang pagkuha sa rekisitos sa munisipyo.
