General Santos City—Patong patong nga kaso ang atubangon sa suspek
nga si Jake Cadungog, Hingkod ang pang-edaron nga residenti sa Purok
Malok, Barangay Labangal Gensan kansa una nang nasikop human nga
nakuhaan ug pusil ug shabu sa tropa sa Police Station 5 sa may Purok
City Hieghts, Barangay Calumpang, Gensan.
Sumala ni Police Senior Inspector Davis Vibcent Dulawan, hepe sa
Police station 5 nga gidakop ang nasangpit human mireport sa ilang
buhatan ang mga residenti sa Purok City Heights, Calumpang human
kining nahasi sa lugar bitbit ang pusil.
Nasayran nga nakuhaan pa ug usa ka sachet sa gituohang shabu ang
suspek. Dugang pagbutyag ni PSI Dulawan nga basi sa ilang gihimong
imbistigasyon didto mismo sa maong lugar, ilado nga gagamitan ug
gabaligya ug iligal nga droga ang suspek didto sa lugar.
