Roxas City, Capiz- “Isa ka ma-pinalanggaon nga anak”.
Ini ang pagtuad ni Mrs. Aida Lopez Labao nga iloy sang suspek nga si PFC Sargie Labao.
Suno diri nga nakapangasawa ang iya puya sang taga-Capagao, Panit-an kag ginbugayan sang isa ka anak nga sa subong ang nagapang-edaron na sang tatlo ka tuig.
Sa eksklusibo nga interview sang dyVR news team, ginsiling ni Nanay Aida nga matapos maggradwar sa kurso nga Bachelor of Science in Criminology, gilayon nga nag-apply sa pagka-suldado si Labao. Pinakauna sini nga assignment amo sa probinsya sang Negros Occidental kag ini man ang na-destino sa Bohol kun sa diin bangud sa engkwentro kontra sa ginapahayag mga membro sang Abu Sayyaf, nag-angkon sang “war shock” ang suspek kabangdanan ini ang kinahanglan nga ipaidalom sa pagbulong.
Ini ang una nga gindangat sa Western Visayas Medical Center sa Iloilo kag nakitaan sang gamay nga development sa iya balatian. Apang isa na naman ka hitabo kun sa diin nabali ang tiil sang manghod sini bangud sa basketball kabangdanan nga mahimo nagdulot sang pagkahangawa kay Labao.
Suno sa iloy, ini ang liwat nga ginpabulong sa isa ka ospital sa Metro Manila apang ginkakibot na lamang nila sang ulihi nga siya ang gintugotan nga makaguha base man sa mando sang doktor bangud nga nakitaan sang senyalis nga ini ang naga-ayo.
Ginpanugyan sini nga patapuson anay ang anum ka bulan nga treatment antes nga liwat magbalik sa kampo para nga magduty.
Nagapati si Nanay Aida nga wala sa gihapon dalayon nga mag-ayo ang anak sini antes nga mag-balik sa serbisyo bangud man nga sa masami ini ang tulala.
Sa subong yara na nakahunong sa lock up cell sang Tapaz PNP ang suspek.
Sa matandaan, patay gid ang biktima nga si PFC Delio Sebarillo, 37-anyos sang Brgy. Pali, Mandurriao, Iloilo City apang nakapangasawa sang taga-Manapla, Negros Occidental matapos nga ini ang ginluthang sang suspek.
Nag-angkon sang multiple gunshot wound nga indi magnubo sa 15 ka bilog tuga sang .9mm caliber pistol sa iya paa, likod kag butkon ang biktima.
Ang mga ini ang lunsay membro sang 94IB sang Philippine Army nga nahamtang sa Brgy. Lagdungan banwa sang Tapaz.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
