General Santos City—Gipailawom sa Paraffin casting ang tulo ka mga namatay sa gihimong Search Warrant Operation sa hiniusang Pwersa sa Kapulisan sa tulo ka managlahing lugar sa Barangay Poblacion, Alabel, Sarangani Province.
Nasayran nga patay ang mga target nga silang si Edwin Jumuad, retired Military member ug kanhing nakabasi sa 37th Infantry Battalion ug usa na karon ka negusyante, residenti sa Purok 2, Barangay Poblacion Alabel; Carlo Esto, 40, businessman, residenti sa purok 8, Barangay Poblacion, Alabel ug Locloc Villaflor, tricykad driver ug residenti sa Purok Cogonal, Barangay Poblacion, alabel human matud pa nga misukol sa kapulisan atol sa operasyon alas 2:00 kaganinang kabuntagon.
Sumala ni Police Chief Inspector Mangaoang Jr., nakabase sa SOCO nga tumong sa pagpailawom sa paraffin casting sa tulo ka mga namatay aron nga sayron kung nakapabuto ba gyud ug pusil ang mga nahisgutan.
Nasayran nga si Jumuad, nakaangkon ug (5) ka mga samad pinusilan sa iyang lawas; si Villaflor nakaangkon ug (6) ka mga samad samtang si Esto (7) ka samad sa lawas ang naangkon nga maong hinungdan sa ilang kamatayon.
