General Santos City—Gipaniguro ni PRO-12 Regional Director Police Chief Supt. Marcelo Morales nga dili nila undangan ang pag imbistiga sa nahitabong pagpamomba sa Koronadal City niadtong nakalabayng adlaw.
Dungan niini nanawagan si General Morales sa katawhan sa syudad sa Koronadal nga tabangan sila sa ilang imbistigasyon pinaagi sa pagsumbong kung duna silay nasayran bahin sa maong insidenti.
Dako matud pa ang tabang nga mahatag sa kumunidad bahin sa pagsulbad sa krimen mao nga kinahanglan gyud nila ang kooperasyon sa katawhan.
Sa karon padayon pa ang pagpaningkamot sa Kapulisan aron nga matumbok ang mga suspek nga responsabli sa pagpabuto ug bomba kilid lang sa dakong simbahan sa syudad sa Koronadal.
Facebook Comments
