General Santos City–Gibutyag karon ni Police Chief Supt. Marcelo Morales ang Regional Director sa Police Regional Office -12 nga miagi sa back door kon iligal nga misulod sa rehiyon ang gikaingong Indonesian bomb maker nga si alyas Abu Omar nga nasikop sa Operatiba sa kapulisan niadtong milabay nga bulan sa Palimbang Sultan Kudarat.
Sumala pa ni Gen. Morales nga gikan sa Indonesia minaug ang nasangpit nga suspect sa Jose Abad Santos ug mibyahe padulong Gensan kung diin midugay pa kini ug usa ka simana ayha nidiritso sa munisipalidad sa Palimbang aron usab nga makigkita sa iyahang kontak nga myembro sa Bangsamoro Islamic Freedom Fighters (BIFF).
Dugang pag butyag ni morales nga sa usa ka simana niini nga pagpuyo sa Gensan diin posible nga niadtong tungura niini gihimo ang bomba sa usa ka panimalay sa Doña Solidad nga na recover sa kapulisan niadtong milabay nga simana nga gi ulod sa sako sa mga uling.
Daku man usab ang pag tuo ni Gen. Morales nga dunay planong pabuthon sa nasangpit nga si alyas omar ang gigama niini nga bomba apan wala mahinayon ang dautang tumong niini human siyang nasikop sa awtoridad.
