General Santos City—Aduna nay gitan-aw karon nga person of interest ang Police Station 1 kabahin sa nahitabong pagpanungab sa 16 anyos nga si alias Jayson ug iyahang ig-agaw nga si Jeric Caluyan sa Pioneer Avenue Barangay Dadinagas South, Gensan niadtong nakalabayng gabie.
Sumala pa ni Police Senior Inspector Roel Abejero, hepe sa Police Station 1 nga sa karon mas gipalawman pa sa kapulisan ang imbistigasyon kabahin na sa among kaso.
Ginasuta pa usab sa kapulisan kung kanhing priso ba gyud ang suspek nga midunggab sa mga biktima subay na usab sa impormasyong nakaabot sa kapulisan.
Samtang giangkon ni Abejero nga sila naglisud sa ilang imbistigasyon gumikan nagdumili sa pag cooperate ang mga testigo sa maong krimen.
Facebook Comments
