General Santos City—Hingpit nang napasakaan ug kaso ang duha ka mga suspetsadong mipatay kang Kiamba Barangay Tambilil Kapitan Reynardo Amador kansa una nang gipusil patay duha na na simana ang nakalabay.
Kasong murder ang gipasang-at batok nilang si Salie Jamla ug Jojo Dela Rosa pulos residenti sa nasangpit nga lungsod.
Sumala ni Police Inspector Marlon Ramirez, Deputy Station Commander sa Kiamba Municipal Police station nga niadtong nakalabayng adlaw hingpit na nilang gipasang-at ang kasong murder batok sa duha ka mga suspek ngadto sa Sarangani prosecutors office.
Dugang pagbutyag ni Police Inspector Ramirez nga ang duha ka mga suspek maoy gunman ug lookout sa pagpatay kang kapitan Amador.
Sa kasamtangan wala pa nila matumbok kinsay utok sa pagpatay kang kapitan Amador. Sa karon padayon pa nilang ginatutukan ang ilang imbistigasyon aron nga matumbok kinsa gyud ang nagpaluyo sa pagpatay kang kapitan Amador.
