General Santos City—Balhog na karon sa Silda sa Police Station 3 ang sikad driver nga mitabang matud pa sa pagsibat sa suspetsado sa pagpamusil sa usa ka sikad driver sa atubangan sa usa ka bar sa may barangay Lagao, Gensan, kagahapon sa kaadlawon.
Giila ang suspek nga si Alven Bungnos Canabe, 32, residenti sa Barangay Conel, Gensan.
Una nang napusilan ang biktimang si Jomar Vasquez, sikad driver sa suspek nga si Alias Nards human nga nangutana ang biktima ngadto kaniya kabahin sa nahitabong kumusyon sulod sa bar.
Si canabe maoy mitabang sa suspek nga makasibat gikan sa lugar sakay sa iyang traysikad.
Nasayran nga nakuhaan ug plate number ang sikad ni Canabe mao nga dali ra natuoran sa kapulisan ang panimalay niini sa barangay Conel ug kagahapong adlawa, gisikop kini sa kapulisan.
