General Santos City—Dako ang pagtuo ni PRO-12 Regional Director Police Chief Supt. Marcelo Morales nga may planong manabotahe dinhi sa syudad sa Gensan ang number 2 man sa Maute-Isis Group nga si Najib Calimba Pundong, kansa napatay atol sa gihimong operasyon sa kapulisan ug Joint Task Force Gensan kagahapong adlawa .
Sumala pa nga posibling maghimo ug diversionary tactics sa maong grupohuman makarekober ug IED components ug mga emplosibo ang otoridad.
Sumala ni Chief Superintendent Morales nga si Pundong usa ka Bomb Maker nga una nang nakasibat atol sa operasyon sa syudad sa Marawi.
Kini matud pa ang responsible sa paghimuan ug bomba sa Maute-Isis ug higayon nga kini matapos, iyaha usab kining ginahatud sa mga miyembro aron nga ibilin sa mga lugar nga tagret nilang pabuthan.
Sa karon matud pa, wala silay namonitor nga posibleng pagpang-recruit sa grupo ni Pundong alyas Najib Hussein dinhi sa dakbayan apan padayon ang ilahang ginahimong pagmonitor.
