General Santos City—gimando na ni Police Sr. Supt. Romeo Ruel
Berango, Gensan City PNP director ang makuting imbistigasyon sa
pagpamusil patay sa pulis nga si Po1 Glen Alicarte, kanhing nakabase
sa City Anti-illegal Drug Special Operation Task Group (CAIDSOTG) alas
11:00 pasado ang takna kagahapong adlawa sa may Bula Lagao Road,
Gensan.
Sumala ni Col. Berango nga iya nang gimando ngadto sa hepe sa Police
Station 6 nga paspasan ang imbistigasyon sa kamatayon sa nasangpit nga
pulis.
Sa kasamtangan duna nay mga anggulong gitutukan ang kapulisan
kalabutan sa posibling motibo sa krimen ug usa na dinhi ang may
kalabutan sa iligal nga droga.
Kahinumduman nga una nang gipatawag sa camp Crame si Alicarte naidtong
tuig 2016 human migula ang pangalan niini sa listahan ni pangulong
Rodrigo Duterte sa mga lambigit sa iligal nga droga.
