General Santos City–Gikatakdang pasakaan ug kasong kalapasan sa RA 9165 ang puganteng si Danni Andrada, kansa nasikop sa gihimong ronda sa hiniusang pwersa sa kapulisan didto sa Sitio Morales, Surallah, South Cotabato kagahapon sa kaadlawon.
Sumala ni Police Chief Inspector Jardimont Sibal, Hepe sa Surallah PNP nga mukabat sa 5 ka sachet sa gituohang shabu ang narekober sa kapulisan gikan sa posisyon sa nahisgutan.
si Andrade ang una nang mipuga sa Gensan City Reformatory Center niadtong tuig 2000 uban ang lider sa Pentagon Kidnap for Ransom Group nga si Tahir Alonto ug ubay-ubayng mga priniriso.
Napriso ang nahisgutan kaniadto human nga nakuhaan ug pinaugang dahon sa marijuana.
Apil usab nga nadakpan ang suspek nga si Raymar Dela China kansa usa sa pito ka mga target sa gihimong ronda sa maong lugar.
Si Dela China ang nakuhaan ug usa ka sachet sa gituohang shabu ug mga drug paraphernalia’s. Mga suspek sa kasamtangan nagpabilin sa silda sa Surallah PNP.
