General Santos City–Ginahuwat pa ni T’boli Mayor Dibu Tuan ang resulta sa imbistigasyon sa Mines And Geo-Science (MGB) may kalabutan sa pagkahagsa sa tunnel nga iyaha sa Tribal Mining Corp (TMC) sa may Barangay Kematu, T’boli, South Cotabato nga gikamatay sa usa ka minero.
Nasayran nga patay si George Mana, 31, nga taga Baguio City ug temporaryong nagpuyo sa lungsod sa T’boli human nga natabunan ug bato dihang nahagsa ang tunnel.
Subay sa inisyal nga imbistigasyon, Lunes sa buntag dihang nahitabo ang insidenti, gipaningkamutan pa sa mga minero ang ilang kauban nga natabonan ug bato pinaagi sa pagdala sa hospital apan gideklara na kining dead on arrival.
Gikumperma usab ni Mayor Tuan sa Rmn Gensan nga dugay-dugay na usab nga naga-operate ang Tribal Mining Corp. sa lungsod sa T’boli.
Kanhi na kining nagsara apan subling nag operate kung asa sa kasamtangan anaa na sila sa developing stage human nga gihatagan ug permiso sa national nga panggamhanan ang kumpanya nga makaoperate.
Hinuon aminado si Mayor Tuan nga dili gyud malikayan ang samang disgrasya hilabi na sa natad sa mina,ang iyaha lang nga unta dili na kini masubli pa.
