General Santos City–Gikatakda nang kasuhan sa Police Station 2 ang usa sa tulo ka suspek nga gitudlong suspek sa pagpanglugos sa 16 anyos nga dalaga nga itago lang sa pangalang alyas Myra, nga taga Barangay Labangal, Gensan.
Sumala ni Spo1 Jun-jun Paderez, disk Officer sa Police Station 2 nga sa karon ginahan-ay pa sa ilang imbistigador ang pagpasang-at uag kaso batok sa suspek nga si Edwin Dela Peña, 31 anyos nga taga Purok Saway, Labangal.
Una nang nadakpan ang suspek human positibong gitudlo sa biktima nga usa sa tulo ka suspek nga mitabang ug lugos ngadto kaniya gabie niadtong adlawng Lunes sa Olarte Compound, Barangay Labangal.
Gibutyag usab ni Paderes nga ginapangita pa karon sa ilang tropa ang duha pa ka suspek nga apil sa pagpanglugos.
Sa karon ila pang gilailawom sa interogasyon si dela Peña aron nga mailhan ang duha ka kaubanan niini nga apil sa krimen. Nasayran nga sa karon pulos alias lang ang nahatag nga pangalan ni Dela Peña sa duha niini ka mga kaubanan.
