May plano na suno kay Warden Juan Lansaderas nga dugangan ang food allowance sang mga inmates sang South Cotabato Provincial Jail kada adlaw, apang wala niya nahibaluan kon pila ang idugang kag san-o ipatuman.
Ini matapos nga sa iban suno pa nga detention facilities nagalab-ot sa P50.00 tubtob P60.00 ang food allowance sang mga inmates kada adlaw.
Apang base sa ila nga ginpropose sa executive legislative agenda suno kay Lansaderas himuon nga P40.00 ang food allowance kada adlaw sang mga inmates sang Provincial Jail nga sa subong yara sa P35.00.
Sa subong suno kay Warden Lansaderas wala man sang reklamo ang mga inmates sa P35.00 nga food allowance kada adlaw.
Ginkumpirmar niya man nga wala man sila nagproblema sang supply sang bugas tungod nakakuha man sila sang bastante nga supply sang bugas sa National Food Authority matapos nga ginkulang sang ila nga bugas ang talatapan.
