Nauso ug nalove na gyud natong mga sugboanon ang mga unlimited nga pagkaonan karong mga panahona. Usa sa mga timailhan niini mao ang pagkatao sa nagkada-iyang unlimited kan-anan dinhi sa sugbo. Daghan kaayong gustong mosuway pero occasional lang kay mahal baya. Kasagaran niini mokabat ngadto sa 500-800 pesos per head. Mao nang kasagaran niini kay during special occasions lang like birthdays, monthsaries and anniversaries. Pero karon, di na gyud ta angayng maguol. Aduna na koy nadiskobrehan nga mga food places kung asa nag-offer kini’g mga unlimited nga pagkaon. Here’s my Top 3 “MUST-Try UNLI Kan-anan sa Sugbo”.
At number 3, UNLI SCALLOP (Location: Iñigo’s Resto + Grill, 266 Don Mariano Cui St., Capitol Site, Cebu City).
Sa mga taga Cebu City labi na sa mga duol diri sa uptown area, aduna’y budget friendly nga resto+grill nga nag-offer ug lamian kaayo nga baked scallops nga unlimited pa gyud with unli rice, of course! Pasok kaayo sa budget tungod kay tag 198 pesos per head ra kini. Nindot pa gyud ang ambience kay duyogan mo sa ilang acoustic band every Friday & Saturday. Pero pahinumdom lang nga medyo small ang place. So, mas better nga sayo moadto sa lugar para makakuha mo ug nindot nga pwesto. Abli sila matag 11:00 am – 3:00 pm ug alas 5:00 – 11:00 pm, Lunes hangtud Dominggo. Kitakits ug magscallop party ta didto!
At number 2, UNLI CRAB (Location: Grab a Crab, Guizo, Mandaue City).
Para sad sa mga mahilig kaayo mokaon og crab, aduna napu’y barato kaayo nga kan-anan nga mo-offer ug unlimited crab. Dili pa mabuslot imong bulsa, mabusog pajud ka tungod kay unlimited kini for 199 pesos lang per head. Siyaro’g di ka mapusnga og kinaon og crabs ana. Alang sa mga naay extra budget, duna pud ni sila’y separate price alang sa ilang special offer nga unlimited shrimp and rice with bottomless iced tea nga nagkantidad ug 399 pesos. Andam sila nga moserbisyo matag 11 am – 9 pm, Lunes hangtud Dominggo. See you there!
And at number 1, SUGBA ALL YOU CAN (Location: Driveway Larangan & Seafood Street, 518 Quijano Compound, Calamba Cebu City).
Dili pud magpalupig ang mga duol sa downtown area diri sa syudad sa sugbo labi na sa mga hilig kaayo sa seafoods ug sinugba, tungod kay aduna’y unlimited shrimp, sisig, pochero, larang, baked scallops and crabs every weekend. Apan, lahi ang presyo sa weekdays ug weekends. Every Monday-Friday mo-offer sila ug unli for only 199 pesos ug every Saturday and Sunday tag 299 pesos ang presyo kada costumer. Malipayon sila’ng mo-alagad sa ilang mga customers matag adlaw gikan 10:00 am – 2:00 pm ug 5:00 pm – 10:00 pm. Madungan unya ta’g sugba ninyo puhon!
Unsa kaha’y paborito ninyo sa tanang mga unli kan-anan nga atoang gi-reveal? Sa mga nakasuway na pwede mo nga mohatag sa inyong komento ubos niining maong article. Hinaot pa nga nakatabang kini para ana na mo’y ideya kung asa mo moadto sa sunod ninyong food trip. Peru gamay lang nga pahinumdom alang sa mga naay gihambin nga balatian sama sa taas nga blood pressure ug cholesterol nga dapat di magpalabi og kaon. Peru di gyud ikalimod nga ang unlimited nga pagkaon maoy makapalipay labi na sa mga nasakitan sa gugma. Char lang bitaw!
Atangi sunod Lunes kung unsa napud nga tip of the day ang atuang hisgutan — FOOD NA PUD. Basta about food lang kay naay forever dinhi. Chesmes napud. BTW, e-text sa atoang textline nga 0947-677-7919 o ba kaha e-pm sa atoang fb page nga www.facebook.com/ifm939cebu para sa inyong mga suggestions. Tinubdan sa maong mga impormasyon mao ang www.subgo.ph. (Sinulat ni Dj Maria Pikat)
