Davao City – Gikumpirma ni Davao City Mayor Sara Duterte nga nagpositibo sa coronavirus sa gihimong RT PCR test, ang food runner ug 3 ka mga pasahero sa DOTR-DILG Mercy Flight gikan Manila niadtong Mayo 12.
“Mao na sila sa mga bag-o nga positive cases, kadtong tulo (pasahero) ug si Foodpanda,”
Kahinumduman, subling gi-test ang food runner human kini nag-negatibo sa unang RT PCR test apan mando sa mga doktor aron masigurado nagpahigayon sa ikaduhang swabbing test ug positibo kini sa COVID-19.
Ang tulo ka mga pasahero sa mercy flight ang wala makapasar sa gihimong health screening sa airport hinungdang gidala sa Southern Philippines Medical Center (SPMC) aron i-test.
Ang mga pasyente anaa na karon sa quarantine facility.
“That is also the importance kung nganong kinahanglan katong mga bag-ong abot dili mo muduol sa ilaha, kinahanglan silang i-quarantine for 14 days para maghulat kung mu-develop ba sila og symptoms. And of course pag naa mo sa gawas kinahanglan nga dunay distancing dili mo magpaduol sa laing tao,” pahimangno sa mayor.
RadyoMan Aimee Guinita
