Davao City – Giklaro karon sa Department of Agriculture (DA) XI nga walay angay kabalak-an ang katawhan sa hisgutanan sa pagkaon tungod kay adunay saktong supply, ilabi na sa bugas. Busa, walay angay magutman taliwala sa pagtaas sa presyo sa petrolyo.
Matod sa pakighinabi sa DXDC RMN Davao kang Agnes Roble, DA-RFO XI Agribusiness and Marketing Assistance Division (AMAD), nga ang Davao Region anaa sa harvest season sa humayan, busa adunay supply ang katawhan.
Gidugang sa opisyal nga gawas sa ting-ani gikan sa Pebrero hangtod Abril 2026, aduna sab importasyon sa bugas alang sa kinatibuk-ang populasyon sa rehiyon, busa dili kini angay kabalak-an.
Hinuon, aduna matod pa’y naka-schedule nga importasyon sa bugas nga posible nga kini ang maapektuhan sa presyo. Apan sa karon, aduna nay nakasulod nga bugas nga walay labot sa pagtaas sa presyo sa petrolyo.
RadyoMaN Bien Abanos
Facebook Comments
