“For later release” na pondo, pinapabantayan ni Rep. Tiangco dahil maaaring magamit sa impeachment complaints laban kay VP Duterte

Pinapabantayan ni Navotas City Rep. Toby Tiangco ang “for later release” (FLR) na pondo.

Ayon kay Tiangco, maaaring magamit ito sa mga reklamong impeachment laban kay Vice President Sara Duterte.

Ang FLR ay pondong nakapaloob sa General Appropriations Act (GAA) na hindi agad inilalabas ng Department of Budget and Management at nangangailangan ng pag-apruba ng Pangulo.

Ayon pa sa kongresista, posibleng hindi ma-release ang FLR kung hindi boboto pabor sa impeachment ang isang mambabatas.

Gayunman, aminado si Tiangco na wala siyang ebidensya na ginagamit o gagamitin ang FLR para sa naturang layunin.