TACLOBAN CITY – Ginbuno an usa nga American citizen han diri pa nakikilala nga suspek ha Brgy. 84 Tacloban City alas 5:25 han kulop kakulop, Oktubre, 26, 2017.
Ginkilala an biktima nga hi David Souel, 54 anyos nga temporaryo nga nag uukoy ha nasabi nga lugar.
Base ha inisyal nga imbistigasyon han Tacloban PNP, samtang an biktima in aadto ha sakob han iya panimalay in tigda nala sumulod an suspek nga an intensyon hini in mangawat.
Umato an biktima ha suspek ngan didto na hiya ginbuno gamit an kutsilyo, naangkon niya an binun-an dapit ha iya braso.
An suspek in kumalagiw dayon matapos an insidente ngan dara an sling bag han biktima nga may sulod nga passport ngan kwarta.
Sumala han biktima, waray dayon niya maireport an mao nga insidente ha mga kapulisan mahitungod nga diri hiya nakakagi-os tungod han sakit nga iya gin aabat.
Ha pagka yana in aadto na an biktima ha EVRMC agud tagan hin medical nga atensyon.
Samtang, nagdudumara na hin follow up investigation an Tacloban City Police Office station 1 agud madakop an nagpapaluyo ha nasabi nga insidente.
