TACLOBAN CITY – Ginpamumuno-patay an usa nga foreigner ha lamay mismo han iya asawa ha Poblacion District II, MacArthur, Leyte dida han dominggo, February 17, 2019.
Subay han report tikang ha Philippine National Police (PNP) ha MacArthur, ginkilala an biktima nga hi Dennis Mark Jones, usa nga American National, 70 anyos nga residente ha Bukidnon Province.
Ha imbistigasyon, naatender la ha lamay an biktima han iya asawa nga namatay pero samtang nakikig-istorya an biktima ha mga nakikilamay, an suspek nga hi Richard Hurley, aada na ha sakto nga pangidaron, residente ha Poblacion District III han mao nga bungto in tigda nala nga kumuha hin kutsilyo ha kusina ngan ginpamumuno an biktima.
Dead on arrival na an biktima han maidara ini ha Abuyog Leyte District Hospital.
Ha nakuha nga impormasyon han RMN, maiha na nga nagdudumot an suspek ha biktima tungod nga ginpabay-an dawla han biktima an asawa hini nga namatay.
Umangkon han patay nga ginlalamayan an suspek.
Ha pagka yana, paslak na an suspek ha MacArthur PNP lock up cell.
