ANAY PBA PLAYER DAKUP SA BUYBUST OPERATION SA BAROTAC NUEVO, ILOILO

i Balita February 23, 2019 (Photo From Web. No Copyright Infringement Intended)

ANAY PBA PLAYER DAKUP SA BUYBUST OPERATION SA BAROTAC NUEVO, ILOILO
Dakup sa buybust operation sang Provincial Drug Enforcement Unit (PDEU) kag Barotac Nuevo PNP ang utod sang anay PBA Player nga si Jerry CodiƱera sa Brgy. Tabucan, Barotac Nuevo, Iloilo.
Ginkilala ang suspek nga si Harmon CodiƱera, 55 anyos, nagatrabaho bilang Sports Utility Worker sang Barotac Nuevo kag stay-in sa training center sa nasambit nga banwa.
Walo ka sachet sang suspected shabu nga nagabalor sang P20,000 ang nakuha sa posisyon ni CodiƱera.

Sa Bacolod City pa ginabakal ni CodiƱera ang Shabu kag aminado ini nga nagagamit siya sang illegal nga druga apang ginpanginwala nga ini ang nagabaligya . Si Harmon CodiƱera ang naghampang sa lima ka teams sa PBA kalakip na ang Purefoods kun sa diin sila nagkaupod sang utod nga si Jerry CodiƱera.
Nagretiro si Harmon sang 1999 kag nangin coach sa pila ka basketball teams.
Nakapauli sa Barotac Nuevo, Iloilo si Harmon CodiƱera bangud tumandok sa sini nga banwa ang iya live in partner.
Nagtudlo man ini sang mga basketbal players sa Barotac Nuevo, Iloilo.


Facebook Comments