Roxas ZN – LINUOG ang kamatayon sa duha ka biktima kabanay sa nahitabong krimen human giayo duslak sa kutsilyo sa usa ka suspetsado og gilugos pa ang apo niining dalagita, nihitabo pasado alas 12:20 sa tungang gabii sa miaging adlaw sa may Barangay Piao, lungsod sa Roxas, ning probinysa sa Zamboanga del Norte.
Sa nakuhang report sa RMN Dipolog gikan sa Roxas MPS naila ang mga biktima napatay nga si Leonilo Otto, 18 anyos, estudyante og Veronica Enderez hamtong ang edad.
Samtang ang gitumbok nga suspetsado mao si Merlou Hangcan Alforque, 33 anyos, usa ka Foreman og lumumupyo sa Barangay Galas dakbayan sa Dipolog.
Sigun pa sa imbestigador sa kaso nga ni Police Corporal Paul Tindogan, nga pagpanlugos ang motibo sa krimen kon diin pasado alas 11:00 sa gabii ang suspek gikan sa birthday celebration sa balay ni Albert Eguia sa dapit diin kini nag-inum apan gumikan sa kahubog og dili na makaneho sa motorsiklo pauli ang kauban niini nga si Donald Enderez, laborer sa PETRA Cement anak sa biktima nga si Veronica ang ni-offer sa suspek nga adto nalang matulog sa ilang balay.
Ang hubog nga suspek dunay diay dautan plano sa fiancee sa laborer nga anaa sa balay, diin giluba una niini ang biktimang si Leonilo nga natulog sa may sopa apan sanglit nakadagan og nakapangayo tabang sa kwarto nga gikatulgan sa lain biktima.
Ang apo niini 18 anyos nga alias Inday ang nakaabre sa poltahan, nidagan human makita ang krimen, ang apohan nga si Veronica nakamatngon maoy giluba na usab suspektsado hinongdan sa diha-diha nga kamatayon.
Ang 18 anyos nga dalagita nakulong, way nahimo gilugos sa supetsado.
Dugang sa imbestigador nga ang target nga lugoson sa supek ang fiancee sa kauban laborer apan nagkataon lang matud pa didto nakadagan sa kwarto ang unang gidungab nga biktima nga toa ang apohan niini og 18 anyos nga dalagita.
Sa karon ang ni-ikyas nga suspetsado nadakpan ra sa follow up operation sa kapolisan sa Roxas, og kasamtangan kining napriso, diin patong patong nga kaso ang atubangon na unya ngadto sa korte.
