Gipangandaman nang daan sa Provincial Environment and Natural Resources Office kon PENRO-Bukidnon ang forest fire sa probinsya.
Sa interview sa RMN Malaybalay ngadto kang Leonardo Luceño, Officer-In-Charge sa PENRO gibutyag niini nga kaniadtong Marso pa nila gipangadaman ug gipangitaan ug pamaagi aron malikayan ang sunog sa mga kakahuyan.
Matud ni Luceño nga nga ilang gimanduan ang mga Community Environment and Natural Resources kon CENRO nga mag-organisa ug mga fire fighting crew.
Gawas niini, aduna usab silay gisuta nga mga dapit nga prone sa sunog, nagtukod usab sila ug mga community fire brigade gikan sa KGB, LGU’s ug forest rangers aron malikayan ang pagkasunog sa mga ilang nasutang fire prone areas.
Nagpahigayon usab sila ug information education campaign aron mapahibalo sa publiko kalabot sa paglikay sa kalayo aron dili ma-apektahan ang mga kakayuhan ilabina ang anaa sa national greening program ug sa INREM.
Naghimo usab sila ug mga pagbansay-bansay unsaon paghimo ug mga fire lines aron dili mukaylap ang kalayo ilabina ug adunay hataas nga init.
