TACLOBAN CITY – Ginpasakahan hin kaso nga graft ha Sandiganbayan hi anay Eastern Samar Congressman Marcelino Chicano Libanan ngan anay Governor Clotilde Japzon Salazar tungod han gin-aaligar maanomalya nga pagpalit han soil activators dida han tuig 2004.
Hi Libanan in naatubang ha 1 count han violation section 3 han Republic Act 3019 o kun Anti-Graft and Corrupt Practices Act ngan 2 counts naman kan Salazar.
Pareho nga kaso gihap an ginpasaka kanda Former Provincial Agriculturist Jesus Agda, Provincial Accountant Vener Tabuena Dulfo, Provincial General Services Officer Vilma Banzon Bormate, Provincial Administrator Officer-In-Charge Necitas Ponferrada, Project Development Officer Samson Chua Nervez, Former Executive Assistant Reynaldo Dorado, ngan Former Member Han Bids And Awards Committee Manuel Bantay Japzon.
Ginpasakahan gihapon hin kaso an General Manager ngan owner han AKAME Marketing International nga hi Edilberto Apostol ngan mga staff hini nga hira Kevin Apostol ngan Mary Jane Fabian.
Ha charge sheet nga ginfile ni Joyrich Golangco, Graft Investigation and Prosecution Officer, an mga local officials ngan pira nga personalidsad in gin-akusaran nga nagkasabutay
Ha graft charge, an local officials in nagpalit hin 2,164 bags han NBEM-21 microbial inoculant and soil activator dida han Abril 15, 2004 ha akame nga nagkakantidad hin 3,246,000 pesos nga waray daw igpa-agi ha bidding.
Deretso nga naghimo hin kontrata bisan waray valid justification ngan waray magdumara hin canvassing. Nabaruan pa han sandiganbayan nga an AKAME Marketing International ngan produkto hini in diri rehistrado ha Fertilizer and Pesticide Authority (FPA).
Dida han Abril 28, pumalit gihapon hira han pareho nga produkto ha pareho nga kantidad.
Siring ni Golangco ha charge sheet nga an ira nagin aksyon in natalapas ha R.A 9184 o Kun Government Procurement Reform Act.
An kaso ni libanan ngan ni Kevin Apostol in mayada bail nga nagkakantidad 30,000 pesos ngan hi Salazar naman in mayada bail nga nagkakantidad 60,000 pesos.
