TACLOBAN CITY – Ginsentensyahan hin unom tubtob pito katuig nga pagka-preso hi anay Babatngon, Leyte Mayor Charita Chan tungod han pagtugot ha Liga Ng Mga Barangay nga magkamayada hin kada semana nga bulang.
Ha desisyon han Sandiganbayan fifth division, “guilty beyond reasonable doubt” hi Chan ha nga one count han violation of section 3(j) of the anti-graft and corrupt practices act.
Labot la ha pagka preso, gintanggalan gihapon hin katugutan an anay Mayor nga makapagserbe hin bis ano nga posisyon.
Hi Chan in gin-akusahan nga nag-issue hin Mayor’s permit dida han April 2012, paghatag hin katugutan ha Liga Ng Mga Barangay nga magkamayada bulang kada Sabado, bis pa man pagtalapas ini ha sections 5(d) and 5(e) of the cockfighting law of 1974 and municipal ordinance No. 281.
Sumala han Sandiganbayan, diri igintutugot an Liga Ng Mga Barangay nga mag-operate hin bulang tungod nga iginbabawal ini ha ilarom han section 89(a)(2) of the Local Government Code.
“Thus, it was undoubtedly irregular for the accused to grant a mayor’s permit to the Liga Ng Mga Barangay ‘to hold cockfight at the barangay district iii, Babatngon, Leyte, every Saturday’ to which it is not legally entitled,” the decision read.
Source: GMA News
