Pagadian City – Dili mominos 36 sa 54 ka mga barangay dakbayan sa Pagadian ang apektado sa tumang kainit sa panahon nga dala sa El Niño. Kini ang gikomperma ni Harun Damada, pangulo sa City Disaster Risk Reduction and Management Office (CDRRMO), nirekomendar kini og state of calamity sa tibuok syudad aron kapangandaman ang mamahimong epekto sa El Niño.
Aminado si Damada nga posibleng mapun-an pa ang ihap sa barangay kun ilang makuha ug mahipos ang kompletong datos.
Siya nipasabot pinaagi sa emergency preparedness mapangandam ang seryuso nga kadaut nga mamahimong mamugna sa El Niño.
Kun maaprobahan ang rekomindasyon nga state of calamity ang pundo nga makuha igahain tabang ngadto sa mag-uuma sama sa tabang pinansyal.
Pinaagi sa state of calamity, dili lang mga mag-uuma ang naglaum nga matabangan sa lokal nga gobyerno sanglit mihangyo usab ang mga mananagat nga tabangan silang makasugakod sa peligrong gutom nga paaboton ilabi na ang mga agal-agal farmers.
