Former Mayor Ramon Locsin sang banwa sang President Roxas, naka-hospital arrest matapos nga nadakpan nga nagpinalupok!

753

President Roxas, Capiz- Nakahospital arrest si former Mayor Ramon Locsin sang banwa sang President Roxas matapos gin-arestar sang mga katapo sang Provincial Mobile Force Company sang Capiz PPO makaligad ini ang nagpalupok sang pusil sa Brgy. Cabugcabug, President Roxas, Capiz.
Ginsiling ni CPPO Provincial Director Police Col Canilo Fuentes, si Locsin ang nadakpan sa akto nga nagapatigayon sang firing sa improvised shooting range nga malapit sa livelihood center nga propidad sang munisipyo.
Narekober sang mga otoridad ang .40 caliber pistol, magazine, mga bala kag plastic kun sa diin nabutang ang mga baseyo sang bala nga nakalupok na.
Ginsiling ni Fuentes nga nakabaton sang report ang talatapan sini halin sa mga residente nga malapit sa lugar angut sa pagpinalupok ni Locsin kabangdanan nga ini ang ginrespondehan.
Magapangatubang sang kaso nga illegal discharge of firearms resulting to alarm and scandal si Locsin.

Facebook Comments