SARA, Iloilo – Arestado ang anay Municipal Engineer sang banwa sang Sara, Iloilo nga si Engr. Roel Salcedo sa barangay San Fernando, Barotac Viejo, Iloilo.
Sa gahum sang duha ka warrant of arrests nga gin-isyu sang 6th division sang sandiganbayan, gin-aresto sang mga katapo sang Sara PNP tracker team si Engr. Salcedo mga alas 4:30 kahapon sang hapon.
Ang una nga warrant of arrest may kaangtanan sa paglapas sa RA 3019 ukon Anti-Graft and Corrupt Practices Act kag ang ikaduha may kaangtanan sa Malversation of public funds through falsification of public documents.
Suno kay Police Senior Inspector Gilbert Baldevarona, Hepe sang Sara, PNP nga ang kada kaso may yara sang 46 ka counts.
Nagalab-ot naman sa masobra 5 ka milyon ka pesos ang piyansa para sa duha ka mga kaso ni Salcedo para sa iya temporaryo nga kahilwayan.
