Roxas City, Capiz – Ginklaro subong ni former Pilar Mayor Gideon Ike Patricio nga wala sang clearance halin sa natungdan ang ginapalapta nga ‘manifesto’ ni retired BFP Fire Marshal Pancho de La Cruz kag kaupdanan sini angut sa pagpakita sang suporta kay Don Chiyuto kag magapangabay sa SEC nga tugutan ang operasyon sini agud makapatigayun na ini sang pay out sa mga investors sang Chiyuto Creative Wealth Document Facilitation Services(CCWDFS).
Gin-athag ni Patricio nga wala sang kahilabtanan si Chiyuto sa nasambitan nga manifesto.
Ginakabig man ni Patricio nga ini ang ‘false alarm’ kag posible nga magapalala pa sang subong nga sitwasyon.
Nagasalig ini nga ang ginahulat nga mga papeles ni Don Chiyuto ang arar na kag pagalauman sang mga investors sini ang ginahulat nga kasanagan sa mga masunod nga mga inadlaw. Ginpunto dugang ni Patricio nga mas makapaayo nga likawan ang anuman nga mga espekulasyon bangud kay Chiyuto sa gihapon magahalin ang kumpirmasyon angut sa sini tanan nga bagay.
