Sikop ang kanhi Vice Mayor sa Cagayan de Oro kagabie atol sa gipahigayong entrapment operation sa Criminal Investigation and Detection Unit kon CIDU sa Mandaue City, Cebu.
Matud ni Police Major Edwin Nacustales, ang hepe CIDU sa Cebu City nga mga alas 9 kagabie dihang nasikop si former Vice Mayor Caesar Ian Acenas, 43 anyos, nga taga Xavier Estates, Upper Balulang ning syudad sa Cagayan de Oro, Ma. Esperanza Makinano, 34 anyos, nga taga Camp Alagar, Brgy. Lapasan Cagayan de Oro City, , Ailen Hope Matuhac, 41, Green Meadows, Barangay Tugbok, Davao City nga Founder ug CEO sa investment scam nga Phoenix EA Holding International Inc. kaalyado sa Forex Company nga naka base sa Davao, Arjun Gumban nga taga North Cotabato ug usa ka Adhetor Daya, Jr. nga residente sa Purok 6 Davao City usa ka bodyguard nga nakuhaan sa caliber 45 nga armas.
Nasayran nga mismong si Former Vice Mayor Acenas ang nakuhaan sa boodle money nga gigamit sa Criminal Investigation and Detection Group kon CIDG Region 7.
Gasaad matud pa og 30% nga tubo sa i-invest nga kwarta ang maong kompanya, kinsa ga operate sa Davao City apan mibalhin na kini pag operate sa Cebu.
Nasikop kini sa North Relocation Area sa Mandaue City, Cebu, kinsa ang mga responsible detenado na sa CIDG Region 7 detention cell.
Kasong kalapasan sa RA 10591 ug RA 8789 ang ipasaka batok kanila.
