Kapin sa 486 loose firearms, narekober sang kapulisan sa Capiz PPO bangud sa masangkaron nga Tokhang Kontra Ginadumilian nga Pusil

201

Roxas City, Capiz – Nagalab-ot sa kabug-osan nga 486 ka mga pusil lakip ang 23 ka mga explosives ang narekober sang mga kapulisan sa Capiz bangud sa masangkaraon nga kampanya kontra loose firearms.
Ini ang base sa rekord sang Capiz Police Provincial Office humalin bulan sang Enero tubtob Setyembre subong nga tuig.
Ini ang natipon gikan sa mga police operations kun sa diin 22 ka mga wala lisensya nga pusil samtang 277 ka mga pusil nga expired ang lisensya sa idalom sang BILANG BOGA campaign.
Samtang 164 naman ka mga pusil ang boluntaryo nga ginsurrender sang mga gun holders base sa programa nga “Tokhang Kontra Ginadumilian nga Pusil (TKGP).”
Mahibaluan nga base sa record sang CPPO, may yara sang masobra sa 6,400 ka mga legitimate gun owners ang halin sa Capiz apang manubo gid lamang nga porsyento ang naka-renew sang ila nga License To Own and Possess Firearms (LTOPF) kag papeles.
via – LTP/AAL/PIA Capiz

Facebook Comments