Davao City – Isip tubag sa mga nagkadaiyang problema bahin sa mental disorders dinhi sa syudad sa Davao, maglusad og usa ka lecture-forum ang Philippine Mental Health Association Davao Chapter karong umaabot nga Agosto 30, 2018.
Sumala ni PMHA-Davao chapter manager Precious Manliguez atol sa pakighinabi kaniya sa tulumanong Serbisyong Straight to the Point, ang hisgutanang pagatutukan sa maong forum mao ang “Breaking the Stigma and Misconceptions associated with Mental Disorders and Promoting Sound Mental Health in the Community” diin adunay usa ka speaker ang giimbitahan gikan sa Institute of Psychiatry and Behavioral Medicine (IPBM) aron mupaambit sa iyang kalaam bahin niini.
“Kini nga opportunity alang ngadto sa mga buot mangutana sa mga pangutanang talagsaon ra kaayo nato mahuna-hunaan apan importante gihapon kaayo,” segun ni Manliguez.
Ipahigayon ang maong aktibidad ala 1 kutob alas 5 sa hapon sa AVR of Assumption College, Cabaguio, ning syudad sa Davao diin matud pa aduna kini 480 pesos nga registration fee alang sa venue, certificate ug uban pa ug abri kini alang sa tanang professionals, estudyante, mental health advocates, PMHA volunteers ug sa publiko.
Ang maong aktibidad subay sa 58th anniversary celebration sa PMHA Davao Chapter.
RadyoMaN Renz Barbarona
