General Santos City—Anaa na ilawom sa state of decomposition ang lawas sa usa ka babaye dihang nakaplagan sulod mismo sa iyang panimalay sa may Esposado Vill., Barangay Cannery Site, Polomolok, South Cotabato.
Biktima nailhang si Mary Jane Dungog, 44, residenti sa maong lugar.
Nasayran nga nakadawat nalang ug report ang kapulisan nga adunay usa ka babayeng nakaplagan nga wala nay kinabuhi sulod sa ilang panimalay.
Base sa imbistigasyon sa kapulisan nasuta nga uwahing nakit-an ang biktima niadto pang June 10, 2018. Natingala ang mga silingan nga wala nay gawas gawas ang nasangpit apan wala nila kini panumbalinga tungod sila nagtuo nga nibakasyon sa Cebu.
Niadtong June 18, 2018 dihang ilang nasayran nga wala sa Cebu ang biktima pinaagi sa iyang igsuon. Tungod niini gisaka na sa mga silingan ang gate sa balay sa biktima ug didto nakit-an ang lawas niini nga anaa na sa state of decomposition.
Sa karon padayon ang gihimong imbistigasyon sa Polomolok PNP aron nga masuta ang hinungdan sa kamatayon sa biktima, samtang giawhag sab sa kapulisan ang pamilya niini nga ipawilawom sa autopsy angpatayng lawas sa biktima.
