Ipatuman epektibo sa Lunes nga adlaw Marso 16 sang Department of Labor and Employment ukon DOLE 12 kag mga attached agencies sini kapareho sang NCMB, RTWPB, NLRC, POEA, OWWA kag iban pa ang 4- day work week.
May-angot sini, ang working hour sang mga empleyado sang DOLE kag mga attached agencies ang halin 7:00 sang aga tubtob alas 7:00 sang gab-i Lunes tubtob Huwebes nga adlaw.
Ang nasambit nila nga tikang suno kay DOLE 12 Regional Director Sisinio Cano ang base naman sa Administrative Order 99 nga ginpapnaug sang Secretary sang ahensya bilang precautionary measures batok coronavirus disease 2019 ukon COVID-19 matapos ang deklarasyon sang State of Public Health Emergency.
Samtang sa subong suno kay RD Cano may polisiya sila nga ginapatuman sa tanan nga magsulod sa DOLE office agud malikawan ang paglapta sang COVID-19 paagi sa pagbutang sang alcohol sang kada may magsulod kag kon nagabalatian ang empleyado ang indi na magtrabaho base naman sa advisory sang Department of Health.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
