Davao City- For the first time sukad nga ma-hostage sulod sa upat ka bulan sa kamot sa teroristang bando nga Maute sa Marawi City, nag-officiate na sa usaka misa sulod sa Camp Aguinaldo si Fr. Teresito ‘Chito’ Suganob tinambongan sa mga awtoridad.
Sa regular news conference and briefing sa palasyo sa Malacañang, gipaambit ni Presidential Spokesperson Ernesto Abella nga ang misa gipahigayon kagahapon ug gikonsidera sa paring Katoliko nga talagsaong kahigayonan sa pagpasalamat kun thanksgiving sa Kahitas-an human nga siya naluwas gikan sa grupong terorista nga kaanib usab sa grupong ISIS nga nanghasi karon sa Middle East ingon man dinhi sa Southeast Asia.
Ang pari nagmalaumon usab nga sa dihang molurang na ang gyera sa Marawi ug hingpit na nga ma-liberate ang syudad, siya makahimo usab sa pagmisa mismo sa iyang parokyang gibiyaan, ang St. Mary’s Cathedral kon diin usab siya unang nisakmit uban ang pipila ka mga parishioners ang uban gani kanila anaa pa gihapon karon gigunitan sa teroristang pundok.
Gikatakda pa kun kanus-a matigayon ang panagtagbo nila ni Fr. Chito Suganob ug ni Pres. Rodrigo Duterte sukad nga ang naha-una na-rescue sa mga ground troops sa main battle area.
Base sa latest information, mokabat na sa 1,730 ka mga sibilyan nasalbar sa mga tinugyanan sa balaud gikan sa war zone.
RadyoMan June Duterte
