Nagpanindugan si Father Espiridiuon “Boy” Celis nga indi magbiya sa iya parokya sa Distrito sang Molo tubtub indi pa niya mabaton ang desisyon sang Roma angut sa iya petisyon batuk sa pagsaylo sa iya sa Barotac Nuevo.
Ini ang pahayag ni Fr. Celis sa pagsiling nga sa Roma lamang siya magatuman kag indi sa Arsobispo sang Jaro nga si Archbishop Angel Lagdameo.
Gintumod ni Father Celis nga base sa Canon law, ang Santo Papa lamang ang may poder nga magsaylo ukon mag-transfer sang assignment sang mga pari kag indi ang Arsobispo gani may nagakaigo nga rason agud magreklamo siya sa Roma sa ginhimo nga reshuffling ni Archbishop Lagdameo kon sa diin gin-reaasign siya sa Barotac Nuevo.
Ginhatagan pagtamod ni Celis nga indi lamang ang pagpamatuk sang mga tumuloo sa distrito sang Molo ang rason sang iya pagpakatig-an nga magbiya sa nasambit nga parokya kundi nagalapas ini sa Canon law.
Nahibaluan nga sa ginpaguwa nga reshuffling ni Archbishop Lagdameo, maga-epekto sa Disyemnbre 3 ukon sa Domingo nga adlaw ang pagpangalagad sang kapari-an sa probinsya sang Iloilo sa ila bag-o nga mga assignments.
