ILOILO CITY – Maid-id nga pagtuon ang ginahimo sang talatapan sang alkalde sa franchise ordinance sang Rockwell Lumber Cockpit Arena sa Brgy. Don Esteban, Lapuz.
Suno kay City Administrator Atty. Hernado Galvez, ini na karon ang proseso sa tanan nga mga ordinansa nga ginapasar sang koseho antes dal-on sa opisina ni Mayor Jed Patrick Mabilog.
Pahayag ni Galvez nga kinahanglan makabutang sya sang inisyal sa papeles antes pirmahan sang alkalde.
Pasalig ni Galvez nga indi maglapaw sa 10-day period nga ginahatag sa alkalde agud aktohan ang ordinansa antes ini mangin lubos nga kasuguan.
Kadungan sini gin-athag man ni Galvez nga indi pa mahimo makaoperate ang bulangan bangud wala pa sang kasuguan nga nagahatag sa ila sang franchise bangud pending pa ang approval sang franchise ordinance.
Una diri ginpahayag ni Mabilog nga ipaidalum sa 2nd review sang city legal ang ginpasar nga ordinansa antes maghimo sang desisyon ang alkalde.
