SYUDAD sang Iloilo – Nagtingub ang mga fraternities kag sororities sa syudad para sa isa ka blood letting activity nga ginatawag “Dugo ko, Para sa Banwa Ko”, a blood-letting activity in support of Iloilo City Government’s anti-dengue campaign sa Agosto 4.
Ang grupo ginatawag nga United Fraternities and Sororities of Panay.
Suno kay Ian Ferdinand Rico sang Tau Gamma Phi, ginabanta nga may 100 sila ka mga blood donors nga magapasakop sa hilikuton..
Kalakip sang mga magaupod amo ang Alpha Kappa Rho, Tau Gamma Phi, Sigma Rho, Alpha Phi Omega, Gamma Phi Omicron, kag Scouts Royale Brotherhood and Sisterhood Inc.
Gin-athag ni Rico nga mahimo naman makapasakop sa blood letting activity ang tanan bisan indi katapo sang frasority.
“We welcome anyone who is willing to donate blood for the benefit of dengue patients or those in need of blood transfusion,” ang pahayag ni Rico.
Ini ang pinakauna nga kahigayunan nga nagtingub ang mga frasorities para sa isa ka bulawanon nga katuyuan.
Nahibaluan nga ara karon sa state of calamity ang syudad bangud sang dengue outbreak.
Photo via Iloilo City Government
