Davao City- Nanawagan ang grupong Parents of Mobilization Group sa Commission on Higher Education nga hingpit na idili ang mga fraternities sa tanang kolohiyo ug unibersidad sa nasud.
Sumala ni PMAG Focal Person Febe Matthew, aron wala na’y estudyante mamatay sa hazing angay nang i-ban ang mga sororities sa tanang kolehiyo ug unibersidad nga nag-exist sa Pilipinas.
Nagpadayag og suporta ang kahugpungan sa mga ginikanan dinhi sa siyudad sa bisan unsa nga laraw sa CHED sa posibleng pagrepaso sa regulasyon sa hazing sa tanang tulunghaan.
O dili ba kaha magbutang og standard ang CHED alang sa mga sororities aron wala na’y laing UST law student sama ni Horacio Castillo III ang mamatay sa hazing samtang paaboton ang pagrepaso sa regulasyon.
Kahinumduman, nakabsan sa kinabuhi sa ospital si Castillo tungod sa bun-og nga iyang nadawat human gipailawom sa initiation sa Aegis Juris Fraternity nga gi-entrahan sa biktima.
Busa gi-awhag ni Matthew ang mga estudyante nga aron dili masusama sa nadangatan ni Castillo mas maayo pilion na lang ang pag-apil sa mga campus ministry inay sa mga fraternities.
RadyoMan Joel Viray
